Intervjuo kun krimulino

Intervjuisto (Dacxjo): Saluton Nikita.  Mi dankas vin por paroli kun mi. Mi scias ke via tempo raras...ecx cxi tie en prizono.

Krimulino (Nikita): Bone, Bone, kion vi volas? Mi estas cxi tie nur pro tio ke la prizonestro devigis min.

Dacxjo: Kial estas vi cxi tie?

Nikita: Mi faris nenion, cxi tie cxiuj senkulpas! CXu ne? (rikano)

Dacxjo: CXu pravas ke vi mortigis tridek virojn?

Nikita: Mi ne scias, mi ne nombris ilin. Demandu al sbiroj, ili eble scias.

Dacxjo: Kial vi mortigis tiom da homoj?

Nikita: CXu vi havas pli interesajn demandojn? Via intervjuo tedas min. CXiu jxurlanisto havas la samajn demandojn…Diable, cxu vi povas esti iomete pli kreema?

Dacxjo: Pardonu min…Pri kio vi volas paroli?

Nikita: Mi ne scias…Estu originala… Demandu pri amo!

Dacxjo: Amo?

Nikita: Jes, amo, kial ne? Krimulino kiel mi ne povas ami iun?

Dacxjo: Mi supozas ke jes…Cxu vi iam enamigxis?

Nikita: Jes, mi enamigxis al iu krimulo, iu kolego se vi volas…(rikano).

Dacxjo: Kiel vi renkontigxis?

Nikita: Ni estis tre junaj, estis nia unua kontrakto…Ni lernis la "arton" kune…Li nomigxis Karlo, li devenas el Luksemburgio…Mi kredas ke li estis la sola luksemburga murdisto! (rikano) Unue mi enamigxis al lia malvarmsango…Li estis mirinda. Kia kontrolo, kia akurateco! Sed iom post iom, mi malkovris aliajn ecojn, kaj ankaux li, kaj ses monatojn poste, ni geedzigxis.

Dacxjo: Mi neniam auxdis pri tio…estas nekredeble, bonvolu dauxrigi!

Nikita: Ni estis tre felicxaj sed unu tagon…dum dangxera kontrakto, la sbiroj pafmortigis lin. Mi estas profesiisto kaj mi devas konfesi ke estis bona pafo…sed la amo de mia vivo estis morta.

Dacxjo: Mi kompatas vin, Nikita.

Nikita: Dankon Dacxjo, dankon pro auxskulti min.

Dacxjo: Kiel vi faris por superforti la tristecon?

Nikita: Mortigi, mortigi, mortigi - miaj tri "M"j…(rikano)

Dacxjo: Mortigi kiel resanigilo kontraux la soleco kaj la tristeco?!

Nikita: Ne estas pli bone! (freneza rikano)

Dacxjo: Kia frenezo! Tiu intervjuo estas finita! Adiaux Nikita!

Nikita: Revenu kiam vi volas, mi rakontos al vi pri mia resanigilo kontraux la trodikigxo!!! (alia lauxta rikano)